Таньдаг, таньдаггүй. Мэддэг мэддэггүй гээд блог ертөнцийнхөө хүмүүсийг хуваалаа. Бүгдийг нь өөрийнхөө төсөөлснөөр бодож явдаг. Бодсоноор ч байсан бодоогүйгээр ч байсан.

Жагаа эгч танил блогчдоо жагсаасан байхыг хараад дотроо бас бодож явсан асуудлаа шийдүүлж авахаар шийдэв.

Мэддэг ч мэддэггүй ч таньдаг ч таньдаггүй ч блог хөтөлж санаа оноогоо солилцсоор танил болсон та нараасаа АСУУНА ДАА гэж бодож явсан асуултадаа хариулт авах гэсэн юм. ХЭЛНЭ ДЭЭ гэсэн үгээ бас хэллээ. Асуух гэсэн зүйлээ ч асууя. Сэтгэл гаргаж хариулаарай.

Аримаа – Юугаа хэзээ яах вэ?

- Амарсайхан – Блог руугаа орчихоод дараа нь хэний блог руу эхэлж ордог вэ?

- Анжгай – Хүн бүрт амбиц гэдэг зүйл байх ёстой юу? Та ОН-тэй харицдаг хүн сайн хариулт өгнө.

- Ashita – Сэтгэл хангалуун байх гэдэг таны хувьд?

- Аманжинка - Шүлгүүдээ сэтгэлээсээ бичдэг үү? Эсвэл шууд суугаад л биччихдэг үү?

- Alchemist – Өөрөө үргэлж сонирхол татдаг. Сонирхлыг минь ямар нэг үг өгүүлбэрээр таглана уу?

- Angelic_unvers – Зөв хүн гэж яг ямар хүнийг хэлээд байна?

- Алтаргана – Хилийн дээс алхахгүй. Зөвхөн Монголдоо гэдэг хүнд хандаж үг хэлнэ үү?

- Agai – ямар нэг өнгийг хараад та шууд хүлээж тусгаж авдаг уу, өөрөөр хэлбэл өнгөнөөс сэтгэл зүй чинь өөрчлөгддөг үү, мэдээж дуртай өнгө чинь?

- Ariga11-Эрэгтэй ч бай эмэгтэй ч бай өөрөө надад таалагддаг шүү.

- Баяраа – Хүнийг төсөөлсөн төсөөлөл чинь төсөөллөөр чинь байдаг уу?

- Бялзуух –Зорилтуудын чинь зөвхөн нэг хэсгийг сонсоё. Биелэгдэх магадлалтай зорилт ш дээ.

- Битмин – Танд хүн чанар байгаа юу?

- Болор – Эрдэнэ – Хүүхэд насанд хүргэж өгөхөөр галт тэрэг ирвэл та нээрээ суухгүй юмуу?

- Блогтойхүн – Кибер ертөнц таны амьдралын хэдэн хувийг нөхөж байдаг вэ?

- Б.Баясгалан – Өөрөө хир нээлттэй хүн бэ?

- Б.Ууганцэцэг – Блогчдын сэтгэл зүйг маш энгийнээр нэлээд ойлгомжтойгоор тодорхойлооч? Минийхийг ч ялгаагүй биччих.

- Батаа123 – Батаа123 гэсэн нэрийг олж уншуут л “Нүдэнд мэлтрэн ирээд буцаж ширгэсэн нулимс л хамгийн гашуун” гэсэн үг санаанд буудаг. Таны хэлсэн энэ үг миний номд орсон сэтгэгдэл дээр байдаг юм. Үнэн үг шиг санагдсан болохоор тархинд хадгалагдчихсан байх. Хэхэхэ. Асуух асуулт байхгүй.

- Болорка – Хүн юм бүхний төлөө санаа зовох хэрэгтэй юу?

- Б. Цэцэнсод- Өөрийгөө дэлгэрэнгүй биш юмаа гэхэд бага зэрэг мэддэг болохоор танилцуулаач?

- Bamulia – Бодол чинь цэгцтэй байдаг уу, эсвэл эмх замбараагүй юу? Бас гадаад үзэмжиндээ хэр хангалуун байдаг вэ?

- Becky_p – Мэдэж авсан мэдлэг чинь чамд амьдарч, аж төрөхөд хангалттай байна уу?

- Вафль – Гэр бүлийг чинь л сонирхоод байгаа юм л даа?

- Галдан – Бурхан гэж байдаг уу? Ертөнцийг үзэх үзлийг чинь сонирхох гэсэн юм?

- Ганхүү - Дуулахаар эргэлт буцалтгүй шийдчихсэн юмуу?

- Гаамп – Билгүүн гэдэг хүний зан аашыг мэдмээр байна?

- demon – Харахыг хүссэн зүйлийг минь хэзээ харуулах гэж байна? Хугацааг нь тодорхой бич.

- Дочекана - Үргэлж цоглог, гэрэлтсэн төрхтэй байдаг уу? Сэтгэл таагүй үедээ яадаг вэ? Тамхи татахаас өөр зүйл хэлээрэй.

- Жиргээ – Та өөрийгөө тасархай, саак эмэгтэй гэдэгт хэдэн хувийг хэлж чадах вэ? Баттай.

- jaja - Хамгийн сайн хийж чаддаг зүйл чинь юу вэ? Миний хувьд юмны арга эвийг олоод зохицуулчихыг хичээдэг юм шиг байна лээ хэхэ.